Ola amiguiñas e amiguiños de Educación Infantil!
Lánzovos unhas propostas de lectura! Son lecturas que me gustaron moito e coas que me divertín, soñei, vivín aventuras,...
Estes libros están na miña biblioteca. Non tedes máis que ir buscalos!
Chocolata toma o seu baño diario na lagoa. Un día escoita que na cidade
hai unha casa de baños, e sae de viaxe coa intención de probala. Ao
chegar á capital, Chocolata fai unha rápida incursión polos hábitos
urbanos máis tópicos, actuais e recoñecibles para a mirada infantil, e
experimenta outro estilo de vida...
Titiritesa vive no reino de Trasantonte. A súa nai, Mandolina, soña con
ver a filla ben casada e tenta educala como unha cortesá refinada. Pero a
filla non comparte as aspiracións da súa nai, a raíña, e rexeita esa
vida convencional que lle queren impoñer. Ante a inminente chegada dunha
institutriz, Titiritesa decide fuxir do palacio para vivir fantásticas e
divertidas aventuras: como coñecer outra princesa de labios
doces.…Nesta historia festéxase o amor sen prexuízos, namentres que coa
sensibilidade necesaria se lle expón o tema aos lectores infantís e se
contribúe á súa educación afectiva.
Paco Papán empéñase en atopar un traballo á súa medida, e proba
diferentes oficios: o luns busca traballo na xastraría, o martes na casa
duns labregos, o mércores na taberna… Despois de divertidos
contratempos e estrepitosos fracasos laborais, e cando xa non queda
ninguén no contorno disposto a darlle traballo, a súa perseverancia e
optimismo veranse por fin recompensados ao chegar á casa do enterrador,
na aldea do lado.
Comentarios
Publicar un comentario