Día das Bibliotecas Escolares

Hoxe celebramos o Día das Bibliotecas Escolares!!!

O lema escollido para os materiais que a Consellería de Cultura, Educación e Ordenación Universitaria destina ás bibliotecas escolares dos centros educativos galegos é 

"Aprender a Pensar coa Biblioteca Escolar". O ilustrador Xosé Tomás foi o encargado, nesta ocasión, de realizar a interpretación gráfica do lema anual.

Para celebralo que mellor forma que recomendando o fantástico libro "Os Días Lebre" de Clara López

Día lebre

Día

que chega

e sobe á miña cama

e me baixa,

calza as miñas zapatillas,

e lévame durmido á cociña

e almorza,

dúchame

e pon a roupa do colexio.

Que me leva á parada,

e me sobe no autobús,

e entra na clase,

e me senta

cos deberes sen facer.

Que me saca ao recreo

e mete dous goles,

e axiña come o meu bocadillo

e dúas ameixas,

e verte algo de zume nas miñas zapatillas.

Faise serea...e adentro.

Sumo, resto e multiplico.

Lévame outra vez ao bus e

ola!

Meréndame,

e facemos os deberes.

Unha hora máis de clase de tuba,

na casa,

para que non perda tempo,

agora toca o baño,

e cear,

e para cama.

E penso que oxalá

mañá veña

día tartaruga.

Clara López

Para celebralo tamén déixovos esta fantástica curtametraxe 

"The fantastic Flying books" que espero sexa de voso agrado.

                                 

Ademais este xoves inauguramos a nosa Biblioteca co primeiro obradoiro do curso 

"A Maxia dos contos", estades tod@s convidados!!!